Մեր մասին

«Ուսումնական առաքելություն» բարեգործական կազմակերպությունը հիմնադրվել է կործանարար 2020 թվականի Արցախյան պատերազմի անմիջապես հետո։ Մեր նպատակն է անվճար ՏՏ և անգլերենի դասընթացներ տրամադրել պատերազմից տուժած անձանց նրանց ընտանիքի անդամներին, տեղահանված արցախցիներին, ինչպես նաև սահմանամերձ շրջանների բնակիչներին։

Մենք մեր բարձր մոտիվացված ուսանողներին զինում ենք համակարգիչներով՝ նրանց ուսումը խթանելու համար: Կազմակերպության առաջնահերթությունն է ստեղծել ընտանեկան մթնոլորտ և հեշտացնել կրթական գործընթացը: Այս մոտեցումը հնարավորություն է տալիս մեր ուսանողներին ինտեգրվել հասարակության և իրենց ներդրումը ունենալ համայնքի կյանքում:

«Ուսումնական առաքելություն»-ում ուսանողները հնարավորություն ունեն սովորելու՝

C++ Ծրագրավորում
C# Ծրագրավորում
HTML/CSS
JavaScript
UI/UX
Համակարգչային ապարատային հիմունքներ
Ծրագրի կառավարում
Անգլերեն
Բացի հիմնական դասընթացներից, կազմակերպությունը նաև կազմակերպում է արտադասարանային սեմինարներ, որոնց մեջ ընդգրկված են՝ հայոց պատմություն, համաշխարհային արվեստ, տեղեկատվական տեխնոլոգիաների և գիտության նորություններ, ինչպես նաև մի շարք այլ թեմաներ։

Learning Mission-ի տեսլականն է դառնալ հարթակ, որտեղ ուսանողները կարող են ստանալ բարձրորակ կրթություն, գտնել աշխատանք և ստեղծել պայծառ ապագա:

Մեր հիմնական նպատակներն են.

Ուսուցման խթանումը ՏՏ ոլորտում եւ անգլերեն լեզվի մատուցում այնպես, որպեսզի ուսանողները անկաշկանդ շփվեն բիզնես ոլորտում։
Խորացնել հայկական պատմության եւ մշակույթի գիտելիքները։
Միավորել Հայաստանը եւ սփյուռքը, ստեղծել ուսուցման համար հնարավորություններ, համագործակցություններ, աշխատանքային կապեր։
Աջակցել մեր շահառուների ինտեգրմանը հասարակություն։
Ընդլայնել հայ երիտասարդների ուսումնական հնարավորությունների շրջանակը։
Ամրացնել կապերը բարձրագույն ուսումնական հաստատությունների հետ, խթանել ԲՈՒՀ ընդունվելու կարևորությունը, ֆինանսապես աջակցել լավագույն ուսանողներին, ովքեր վճարունակ չեն: